ماں گاڑی سےگر پڑی تو بچےنےگاڑی سنبھال لی

شیئر

Image copyrightAP

Image caption33 سالہ ٹیلوا فوسٹر پر بچوں کو خطرے میں ڈالنے کا الزام عائد کیا گیا ہے

امریکی ریاست اوکلاہوما میں پولیس کا کہنا ہے کہ جب ایک عورت نشے کی حالت میں گاڑی سے باہر گر گئی تو اس کے تین سالہ بچے نے چار رویہ سڑک پر چلنے والی گاڑی کو حفاظت سے موڑ کر سڑک سے ہٹا لیا۔

پولیس نے اس خاتون کو گرفتار کر لیا ہے۔

33 سالہ ٹیلوا فوسٹر پر بچوں کو خطرے میں ڈالنے کا الزام عائد کیا گیا ہے۔

عینی شاہدین نے کہا کہ بدھ کے دن جب خاتون گاڑی سے باہر گر پڑی تو ان کے بچے نے گاڑی کا سٹیئرنگ سنبھال لیا اور اسے مصروف سڑک سے اتار لیا۔

بچے کا جڑواں بھائی بھی اس وقت گاڑی میں موجود تھا۔

آخر میں گاڑی ایڈا شہر کے قریب ایک پشتے پر جا ٹکرائی۔ ایڈا اوکلاہوما سٹی کے جنوب مشرق پر 130 کلومیٹر کے فاصلے پر واقع ہے۔

پولیس کا کہنا ہے کہ دونوں بچے محفوظ ہیں۔

انھوں نے مزید کہا کہ ٹیلوا فوسٹر نے انھیں بتایا تھا کہ بچے نے اپنی سیٹ بیلٹ کھول دی تھی اور وہ واپس پہنانے کی کوشش کر رہی تھیں کہ گاڑی سے باہر گر پڑیں۔